1 րոպեի ընթերցում
ԱՆԿԱՐԱ, 6 ՆՈՅԵՄԲԵՐԻ, ԱՐՄԵՆՊՐԵՍ: Իրաքի շիաներով բնակեցված Քերբալա եւ Բասրա քաղաքներում հյուպատոսություններ բացելուց հետո Իրանը հայտարարել է, որ հյուպատոսություն է բացում նաեւ իրաքյան Քրդստանի մայրաքաղաք Էրբիլում: Ըստ թուրքական «Միլիեթիե, իրաքյան Քրդստանի կառավարության արտաքին գործերով պատասխանատու üալահ Մուստաýան հայտարարել է, որ Էրբիլում Իրանի հյուպատոսությունը պաշտոնական գործունեությունը կսկսի այսօրվանից: Ենթադրվում է, որ Իրանը մոտ ժամանակում հյուպատոսություն կբացի նաեւ իրաքյան Քրդստանի Սուլեյմանիե քաղաքում: Թերթին հայտնի է դարձել, որ Թեհրանի ղեկավարությունը հավանություն է տվել է իրանական Քերմանշահ եւ Ուրմիա քաղաքներում Իրաքի հյուպատոսություններ բացելու Բաղդադի խնդրանքին: Էրբիլում բացված Իրանի հյուպատոսությունը իրանական երրորդ հյուպատոսությունն է Իրաքում: