2 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի բարձրագույն խմբի 24-րդ տուրը սպասարկող մրցավարական անձնակազմները հայտնի են: Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից, սեպտեմբերի 29-ին եւ 30-ին կկայանա 4 հանդիպում: «Իմպուլս»-«Փյունիկ» հանդիպման գլխավոր մրցավարը կլինի Զավեն Հովհաննիսյանը, նրան այդ հարցում կօգնեն Հովհաննես Ավագյանը, Հարություն Համբարձումյանը եւ Մանուկ Ֆահրադյանը:
Երեւանի «Բանանց»-ը սեփական հարկի տակ կհյուրընկալի «Գանձասար»-ին, այս հանդիպումը կդատի Գեւորգ Ղազարյանը, իսկ օգնականները կլինեն Էրիկ Արեւշատյանը, Ատոմ Սեւգուլյանը եւ Անդրանիկ Արսենյանը: Հայաստանի գործող չեմպիոն «Ուլիս»-ի եւ Գյումրու «Շիրակ»-ի խաղը կվարեն Սուրեն Բալիյանը, Վանիկ Սիմոնյանը, Մեսրոպ Ղազարյանը եւ Արտակ Սիմոնյանը: Տուրի վերջին խաղում` «Արարատ»-ը կընդունի «Միկա»-ին` խաղի գլխավոր մրցավարը կլինի Արմեն Ղուշչյանը, օգնականները` Արմեն Կոստանյան, Արթուր Գդլյան եւ Տիգրան Հովսեփյան:
Հայաստանի ֆուտբոլի բարձրագույն խմբի մրցաշարային աղյուսակը գլխավորում է «Միկա»-ն 52 միավորով, երկրորդ տեղում «Շիրակ»-ն է, իսկ եռյակը եզրափակում է «Իմպուլս»-ը: