1 րոպեի ընթերցում
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Հայաստանի հավաքականի հետ ընկերական հանդիպման ընթացքում Բելառուսի հավաքականը կարողացավ առավելության հասնել միայն համառության շնորհիվ: Ինչպես փոխանցում է «Արմենպրես»-ը, ընկերական հանդիպումից հետո նման կարծիք հայտնեց Բելառուսի հավաքականի գլխավոր մարզիչ Գեորգի Կոնդրատեւը:
«Հայաստանի հավաքականն առավել արժանի էր հաղթանակի: Մեր ֆուտբոլիստներից ութը մշտապես պատեստայինների նստարանին էին. տղաները կարողացան հաջողության հասնել միայն համառության հաշվին»,-ասաց Կոնդրատեւը:Անդրադառնալով Բելառուսի հավաքականի նորեկ Անդրեյ Խաչատուրյանին` մարզիչը շեշտեց, որ ֆուտբոլիստը կարողացել է հաղթահարել մեկնարկային հուզմունքը եւ գեղեցիկ խաղը ցուցադրել:
Օգոստոսի 15-ին «Հանրապետական» մարզադաշտում կայացած խաղում Բելառուսի ընտրանին Հայաստանի հավաքականի նկատմամբ հաղթանակ տարավ 2-1 հաշվով: