Սերժ Սարգսյանը Վլադիմիր Պուտինին հրավիրել է պետական այց կատարել Հայաստան

ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Հայաստանի եւ Ռուսաստանի նախագահներ Սերժ Սարգսյանը եւ Վլադիմիր Պուտինը Մոսկվայում օգոստոսի 8-ին տեղի ունեցած հանդիպման արդյունքներով հայտարարությամբ են հանդես եկել լրատվամիջոցների առջեւ:«Արմենպրես»-ը, վկայակոչելով ՌԴ նախագահի պաշտոնական կայքէջը, ներկայացնում է հայտարարությունն ամբողջությամբ:

Վլադիմիր Պուտին.Հարգելի տիկնայք եւ պարոնայք, մենք ավարտել ենք բանակցությունները Հայաստանի Հանրապետության նախագահի հետ: Կցանկանայի անմիջապես շնորհակալություն հայտնել Սերժ Ազատիչին մեր հրավերն ընդունելու եւ այսօր Ռուսաստանի մայրաքաղաք Մոսկվայում գտնվելու համար: Մենք հնարավորություն ունեցանք զրուցել մեր հարաբերությունների ընդհանուր տեսլականի մասին:

Հանդիպման հենց սկզբում ես հիշեցրի, որ այս տարի երկու նշանավոր ամսաթվեր պետք է նշենք. դիվանագիտական հարաբերությունների 20 եւ բարեկամական համագործակցության ու փոխադարձ աջակցության պայմանագրի կնքման 15-ամյակները: Այդ առումով հատկապես հաճելի է խոսել այս տարվա ձեռքբերումների մասին, իսկ դրանք, իհարկե, գոյություն ունեն:

Տնտեսության ոլորտում մենք հասել են փաստացի նախաճգնաժամային մակարդակի` կատարելով միլիարդ դոլարի շրջանառություն: Ես համաձայն եմ Սերժ Սարգսյանի հետ, որ դա բավարար չէ Ռուսաստանի եւ Հայաստանի համար: Իհարկե, մենք կարող ենք եւ պետք է ավելին անել: Հուսով եմ, որ միջկառավարական հանձնաժողովը, որը վերսկսում է աշխատանքը, մինչեւ 2020թ.-ը կպատրաստի մեր համագործակցության ծրագիրը, որը ճանապարհային քարտեզ կլինի մեր առեւտրատնտեսական կապերի զարգացման համար:

Մենք կարեւորում ենք միջտարածաշրջային կապերի զարգացումները, որի վերաբերյալ կցանկանայի նշել, որ այս աշխատանքում ռուսական կողմից մասնակցում են Դաշնության ավելի քան 70 սուբյեկտներ: Տարածաշրջանների համագործակցությունը կունենա կոնկրետ կազմակերպչական ձեւեր. 2011թ.-ի ապրիլին Երեւանում կայացավ Միջտարածաշրջանային առաջին ֆորումը, իսկ երկրորդ ֆորումը ծրագրված է անցկացնել այս տարվա նոյեմբերին:

Տարածաշրջանների միջեւ ուղղակի կապերը, կարծում եմ ինձ հետ կհամաձայնեք, չափազանց կարեւոր են և ապաբյուրոկրատացնում են հարաբերությունները տնտեսական ոլորտում, դարձում են այն ավելի կենդանի, կոնկրետ եւ առավել արդյունավետ:

Հանդիպման ընթացքում մենք քննարկեցինք ԱՊՀ, ՀԱՊԿ եւ այլ միջազգային կազմակերպությունների շրջանակում աճող համագործակցության հեռանկարները: Զրույցի ընթացքում ավելի մեծ ուշադրություն դարձրել ենք հետխորհրդային տարածքում ինտեգրացիոն գործընթացներին: Անդրադարձել ենք նրան, թե ինչպես կարող ենք օգտվել ինտեգրացիոն ծրագրի վերջին համաձայնություններից: Մենք ձեռք ենք բերել խառը հանձնաժողով ստեղծելու պայմանավորվածություն, որը պետք է դիտարկի , թե ինչպես Հայաստանի նկատմամբ կարելի է կիրառել Ռուսաստանի, Ղազախստանի եւ Բելառուսի միջեւ մաքսային միության եւ ընդհանուր տնտեսական տարածքի շրջանակում ձեռք բերած փորձը: Ես նկատի ունեմ, որ մենք չունենք ընդհանուր սահմաններ, սակայն կարելի է մտածել որոշակի գործիքների կիրառման մասին, որոնք արդեն համաձայնեցված կլինեն 3 պետությունների կողմից: Իհարկե, մենք նաեւ անհրաժեշտ ուշադրություն ենք հատկացրել ԼՂ հակամարտության կարգավորման խնդրին, փոխանակակվել ենք կարծիքներով բանակցային գործընթքացի վերաբերյալ:

Կուզենայի հայտնել այսօրվա հանդիպման արդյունքերի վերաբերյալ իմ բավարարվածությունը: Երախտագիտությունս եմ հայտնում Սերժ Սարգսյանին, որ նա ժամանակ է գտել եւ արձագանքել է Մոսկվա գալու մեր հրավերին:

Սերժ Սարգսյան.Շնորհակալություն Վլադիրմիր Վլադիմիրի, սրտանց ուրախ եմ մեր նոր հանդիպման համար: Գոհունակությամբ պետք է ընդգծեմ, որ հայ-ռուսական ռազմավարական գործընկերությունը` հիմնված ձեռքբերումների և մեր ժողովուրդների`ժամանակի փորձությունը բռնածբարեկամության վրա, վստահորեն զարգանում է: Մեր երկրների միջև առկա է լիարժեք փոխըմբռնում ներքին և արտաքին քաղաքական հարցերի շուրջ:

Հայ-ռուսական գործընկերության ամրապնդման գործում փոքր դեր չեն խաղում մեր մշտական քաղաքական երկխոսությունը բոլոր մակարդակներում, ակտիվ կապերը միջխորհրդարանական և տարածաշրջանային մակարդակներով:

Այսօր Ռուսաստանի նախագահի հետ մենք քննարկել ենք մեր երկկողմ համագործակցության ինստիտուտների ամրապնդման հնարավորությունները, ավելի հաճախակի խորհրդակցությունները բոլոր, այդ թվում և բարձր մակարդակներում: Հայաստանը մշտապես միտված է եղել Կովկասում խաղաղ և կայուն իրավիճակի ստեղծմանը: Հենց դրանով է պայմանավորված մեր քաղաքականությունը` Լեռնային Ղարաբաղի խնդրի խաղաղ և երկարաժամկետ կարգավորումը գտնելու համար: Մենք կարծում ենք, որ Հարավային Կովկասում անվտանգության հարցերում Ռուսաստանն ունի կարևոր դերակատարություն: Դա վերաբերվում է նաև Հայաստանի համար խիստ կարևոր ղարաբաղյան խնդրի կարգավորման ուղղությամբ Ռուսաստանի իշխանությունների կառուցողական քայլերին: Մենք շնորհակալություն ենք հայտնում Ձեզ` Վլադիմիր Վլադիմիրի, այդ ուղղությամբ մշտական ուշադրության և քայլերի համար:

Մենք շահագրգռված ենք երկկողմ շահերի հիման վրա միջազգային և տարածաշրջանային կազմակերպությունների շրջականերում արդյունավետ համագործակցությամբ: Մտադիր ենք հետագայում ևս ջանքեր ներդնել` միջազգային շրջանակներում արտաքին քաղաքական փոխհամագործակցության արդյունավետության բարձրացման ուղղությամբ:

Հայաստանը ՀԱՊԿ կառույցների ամրապնդման ջատագովն է, և ինչպես նախկինում, կներդնի բոլոր ջանքերը մեր կազմակերպության զարգացման համար: Մենք ընդգծել ենք նաև այս տարվա սեպտեմբերին Հայաստանում անցկացվելիք ՀԱՊԿ արագ արձագանքման ուժերի զորավարժությունների կարևորությունը: Հաջողությամբ է զարգանում երկկողմ համագործակցությունը նաև ռազմական և ռազմատեխնիկական ոլորտներում: Այսօր մենք խոսել ենք ռազմարդյունաբերության բնագավառում համագործակցության ընդլայնման հնարավորությունների և կադրերի պատրաստման շուրջ: 2010 թվականին երկարաձգվել է Հայաստանում ռուսական ռազմաբազայի գործունեության ժամկետը: Այդ բազայի ներկայությունը բխում է հենց մեր շահերից: Ժամկետի երկարաձգման արձանագրությունն ընդլայնվել է` Հայաստանի անվտանգության նկատմամբ սպառնալիքների առկայության դեպքում ռազմաբազայի հնարավորություններն օգտագործելու ուղղությամբ:

Ռուսաստանի և Հայաստանի տնտեսական համագործակցությունը համապատասխանում է երկու պետությունների ռազմավարական շահերին: Այսօր Ռուսաստանը համարվում է Հայաստանի գլխավոր առևտրատնտեսական գործընկերը, որի ներդրումները կազմում են բոլոր միջազգային ներդրումների 50 տոկոսը: Մեր երկրաժամակետ տնտեսական կապերի ապացույցն է մի շարք խոշոր տնտեսական ծրագրերի իրականացումը, ինչպիսիք են` նոր ատոմային էներգաբլոկի կառուցումը, Հայաստանում իրականացվող ենթակառուցվածքային ծարգերում Ռուսաստանի հնարավոր մասնակցությունը:

Իհարկե, այսօր մենք խոսեցինք կարևոր թեմայի շուրջ` Հայաստանին մատակարարվող գազի գնի վերաբերյալ: Կարծում եմ` գտել ենք փոխհամաձայնություն դրա սահմանման սկզբունքների շուրջ: Այն պետք է համապատասխանի գազի շուկայական գնին, լինի համեմատելի տարածաշրջանային սակագներին` պահպանելով Հայաստանի տնտեսության արդյունավետ զարգացումը:

Վլադիմիր Վլադիմիրին ընդգծեց, որ Ռուսաստանը շահագրգռված է ուժեղ, մրցունակ, զարգացած Հայաստանով: Դա իրոք դաշնակցային մոտեցում է: Ես շնորհակալ եմ Ռուսաստանի նախագահին մեր օրակարգային կարևորագույն հարցերի շուրջ հստակ դիրքորոշման համար: Օգտվելով առիթից, ես հաստատում եմ նախագահ Պուտինին իր համար հարմար ժամանակահատվածում պետական այցով Հայաստան այցելելու հրավերը: