1 րոպեի ընթերցում
ԼՅՈՒԲԼՅԱՆԱ, 14 ՆՈՅԵՄԲԵՐԻ, ԱՐՄԵՆՊՐԵՍ: Կոսովոյի հիմնախնդրով զբաղվող բանակցորդների Շփման խմբի «եռյակըե լավ հիմք է մշակել երկրամասի կարգավիճակի հարցի լուծման համար, հայտարարել է Ռուսաստանի արտաքին գործերի նախարար Սերգեյ Լավրովը՝ Լյուբլյանայում ելույթ ունենալով Սլովենիայի իր պաշտոնակից Դիմիտրի Ռուպելի հետ բանակցություններից հետո կայացած մամուլի ասուլիսում: Լավրովը նշել է, որ «անհրաժեշտ է չկանխորոշել բանակցությունների արդյունքը եւ հրաժարվել բանակցություններ վարելու համար ամրագրված ժամկետներիցե: Ըստ Ռուսաստանի արտգործնախարարի՝ բոլոր շահագրգիռ կողմերը պետք է հասկանան, որ Կոսովոյի հիմնախնդրի հանգուցալուծման տարբերակներից ոչ մեկը հաջողված չի լինի, եթե համաձայնություն ձեռք չբերվի Բելգրադի եւ Պրիշտինայի միջեւ: