2 րոպեի ընթերցում
ԵՐԵՎԱՆ, 12 ՀՈԻՆԻՍԻ, ԱՐՄԵՆՊՐԵՍ: Ֆուտբոլի Հայաստանի մինչեւ 21 տարեկանների ազգային ընտրանին «Հանրապետականե մարզադաշտում մրցեց Անդորրայի հավաքականի հետ:
«Արմենպրես»-ի փոխանցմամբ, մեր ընտրանին հանդիպման առաջին իսկ րոպեից նետվեց գրոհի: Մեր տղաներից երկար ժամանակ չպահանջվեց հաշվի մեջ առաջ անցնելու համար: Տուգանայինի խաղարկումից հետո գնդակը դիպավ դարպասաձողին, առաջինը գնդակին հասավ Հովհաննես Հովհաննիսյանը եւ գրավեց դարպասը:Ազգային ընտրանին շարունակեց տիրել գնդակին: Ռաֆայել Նազարյանի սաները ամեն ինչ անում էին դեպի մրցակցի դարպասը տանող նոր ուղիները գտնելու համար:Խաղակեսի ավարտին Անդորրան արդեն ամբողջ թիմով միայն պաշտպանվում էր:Սակայն հակագրոհներից մեկի ժամանակ մեր դարպասին նշանակվեց տուգանային հարված: Խաղարկումից հետո տուգանային հրապարակում ստեղված իրարանցման ժամանակ առաջինը կողմնորոշվեց անդորացի Ադամ Սմիթը եւ վերականգնեց հաշվի հավասարությունը:Հայաստանի ազգային հավաքականը ընդամենը 5 րոպե անց կրկին առաջ անցավ հաշվի մեջ: Տուգանայինի խաղարկումից հետո գոլի հեղինակ դարձավ Տարոն Ոսկանյանը:Երկրորդ խաղակեսը նույն մեկնարկեց մեր գրոհներով, որոնցից հերթականը գոլով եզրափակեց Արտակ Եդիգարյանը: Հաշիվը դարձնելով 3-1:Մեր տղաները ամեն ինչ անում էին հաշիվը քառապատկելու համար: Սակայն վերջին պահին ինչ որ բան պակասում էր: Բայց այսպես երկար չշարունակեց` հանդիպման վերջին րոպե Անդորրայի դարպասը գրավեց Կամո Հովհաննիայսանը:
Ի վերջո հանդիպումը ավարտվեց 4-1 հաշվով: Հայաստանի մինչեւ 21 տարեկանների ազգային ընտրանին հաջորդ հանդիպումը կանցկանի օգոստոսին Ուելսի հավաքականի հետ: