1 րոպեի ընթերցում
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ:Մեծի Տանն Կիլիկիո կաթողիկոս Արամ Ա կաթողիկոսը փետրվարի 26-ին «Ս. Մեսրոպ Մաշտոց» շքանշանով է պարգեւատրել բուլղարացի լրագրող Ցվետանա Պասկալեւային` նրա «Ղարաբաղի վերքերը» վավերագրական ֆիլմի համար: Ինչպես «Արմենպրես»-ին տեղեկացրին Անթիլիասից, կաթողիկոսը մեծապես գնահատել է Պասկալեւայի կատարած աշխատանքը` նշելով, որ դա սովորական ֆիլմ չէ, այլ Արցախի ժողովրդի պատմության ճակատագրական պահերի արձանագրումը: «Վավերագրական այս ֆիլմն աշխարհին ցույց է տալիս, որ ժողովրդի անկախության իրավունքը ոչ ոք չի կարող խլել նրանից, իսկ հայ ժողովուրդն իր արյամբ է կերտել իր անկախությունը»:
Պասկալեւան շնորհակալություն է հայտնել պարգեւի համար` ավելացնելով, որ շարունակելու է իր աշխատանքը` աշխարհին ցույց տալու Արցախում տեղի ունեցած իրական դեպքերը: