Սեպտեմբերի 28-30-ը Կիեւում տեղի կունենա ԱՊՀ-ի երկրների միջազգային ինովացիոն համաժողովը

2 րոպեի ընթերցում

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Սեպտեմբերի 28-30-ը Կիեւում տեղի կունենա ԱՊՀ-ի երկրների միջազգային ինովացիոն համաժողովը: Ինչպես «Արմենպրես»-ին տեղեկացրել է ԱՊՀ-ի գործադիր կոմիտեի մամուլի ծառայությունը, համաժողովը նվիրված է ԱՊՀ-ի ստեղծման քսաներորդ տարեդարձի տոնակատարությանը: Միջոցառման կազմակերպիչներն են' Ուկրաինայի գիտության, ինովացիաների եւ ինֆորմատիզացիայի հարցերի պետական գործակալությունը եւ Ուկրաինայի գիտությունների ազգային ակադեմիան:

Համաժողովի աշխատանքին կմասնակցեն Ուկրաինայի բարձրաստիճան ղեկավարները, ԱՊՀ-ի գործադիր մարմինների, Համագործակցության երկրների գիտատեխնիկական եւ ինովացիոն քաղաքականության իրացման համար պատասխանատու նախարարությունների ու գերատեսչությունների ղեկավարները:

Համաժողովի անցկացումը նպատակամղված է ինովացիոն եւ գիտատեխնիկական ոլորտում ԱՊՀ-ի երկրների միջեւ համագործակցության զարգացմանը, էկոնոմիկայի գիտատար հատվածում ներդրումների ներգրավմանը, բարձրտեխնոլոգիական արտադրանքի իրացման շուկաների ընդլայնմանը: Համաժողովը արդյունավետ հարթակ կդառնա ԱՊՀ-ի բոլոր երկրների, Եվրամիության պետությունների եւ աշխարհի մյուս երկրների պրոֆեսիոնալների շփման համար:

Գործարար ծրագրի շրջանակներում բանավեճերի ու կլոր սեղանների ձեւաչափով միջոցառման մասնակիցները կկարողանան փորձի փոխանակում իրականացնել ինովացիաների եւ գիտատեխնիկական համագործակցության ոլորտում, քննարկել ընդհանուր հիմնախնդիրներն ու հասունացած հարցերը, գտնել նոր գործընկերներ ու հաճախորդներ, հիմք դնել բիզնեսի ապագա զարգացման համար, ներկայացնել իրենց մշակումները, լավագույն ինովացիոն նախագծերը: Համաժողովի շրջանակներում կկազմակերպվեն միջազգային մասնագիտացված ցուցահանդեսներ' նվիրված ինովացիոն գործունեությանը:

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն