1 րոպեի ընթերցում
ԱՆԹԻԼԻԱՍ, 28 ՄԱՐՏԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը հեռախոսազրույց է ունեցել ասորի ուղղափառ եկեղեցու Իգնատիոս Զագգա Իվաս պատրիարքի հետ: Ինչպես «Արմենպրես»-ին հայտնեցին Անթիլիասից, Արամ Ա կաթողիկոսը դատապարտել է մարտի 27-ի առավոտյան Զահլեի ասորի ուղղափառ եկեղեցու ականահարման գործողությունը:
Նա նշել է, որ քրիստոնեություն- իսլամ գոյակցությունը դարերի պատմություն ունի, եւ նման ոճրային արարքները չեն կարող խանգարել այդ գոյակցությանը: Վեհափառը նաեւ իր զորակցությունն է հայտնել ասորի ուղղափառ քույր եկեղեցուն: