367.79
Արամ Ա կաթողիկոսն ընդունել է Հռոմի կաթոլիկ եկեղեցու կարդինալ Ու. Գասպարին
1 րոպեի ընթերցում
ԱՆԹԻԼԻԱՍ, 28 ՀՈւՆՎԱՐԻ, ԱՐՄԵՆՊՐԵՍ: Հռոմի կաթոլիկ եկեղեցու Քրիստոնեական միության բաժանմունքի վարիչ կարդինալ Ուոլթըր Գասպարն այսօր Անթիլիասի մայրավանքում հանդիպել է Մեծի Տանն Կիլիկիո Արամ Ա կաթողիկոսի հետ: Ինչպես «Արմենպրես»-ին հայտնեցին Անթիլիասից, հանդիպման ընթացքում Վեհափառ Հայրապետը խոսել է աստվածաբանական երկխոսության կարեւորության մասին, որը քրիստոնեական տարբեր դավանանքների միջեւ գործակցության ու համախոհության նոր էջ կարող է բացել: Նշենք, որ այս օրերին Անթիլիասում անցկացվում է Հռոմեական կաթոլիկ եկեղեցու եւ Արեւելյան ուղղափառ (ոչ-քաղկեդոնական) եկեղեցիների աստվածաբանական պաշտոնական երկխոսության յոթերորդ հանդիպումը, որի նախաձեռնման մեջ մեծ է Արամ Ա կաթողիկոսի դերը: Հունվարի 31-ին Անթիլիասի Ս. Գրիգոր Լուսավորիչ մայր տաճարում պատարագի ընթացքում կարդինալ Ուոլթըր Գասպարը իր հոգեւոր խոսքը կփոխանցի հավատացյալներին:
Բաժանորդագրվեք մեր ալիքին Telegram-ում