1 րոպեի ընթերցում
ԹԵԼ ԱՎԻՎ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Եվրոպացի դիվանագետները Իսրայելին հայտնել են, որ Թուրքիան հնարավոր է համարում Երուսաղեմի հետ խախտված հարաբերությունների վերականգնումը: Թուրքիայում տարածված տեղեկությունների համաձայն, թուրքական հանրային հեռուստաալիքը խնդրել է բարձրաստիճան իսրայելցի պաշտոնյաներին հարցազրույցներ տալ երկու երկրների միջեւ հարաբերությունները լավացնելուն ուղղված քայլերի շուրջ: Իսրայելի արտաքին գործերի նախարարությունը խորհուրդ է տվել պաշտոնատար անձանց համաձայնվել հարցազրույցին եւ ողջունել է թուրքական կողմի խնդրանքը` հայտարարելով, որ դա դրական տեղաշարժ է Իսրայելի նկատմամբ Անկարայի կեցվածքում: