Շառլ Ազնավուրը համերգներով հանդես է եկել Եգիպտոսում

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Կահիրեի եւ Ալեքսանդրիայի օպերայի դահլիճներում hունվարի 4-ին եւ 6-ին համերգներով հանդես է եկել ýրանսահայ երգիչ Շառլ Ազնավուրը: Ինչպես «Արմենպրեսե-ին տեղեկացրին ՀՀ ԱԳՆ մամուլի եւ տեղեկատվության վարչությունից, Կահիրեում կայացած համերգին ներկա են եղել Եգիպտոսի վարչապետը, Արաբական պետությունների լիգայի գլխավոր քարտուղարը, բազմաթիվ նախարարներ ու օտարերկրյա դեսպաններ: Ալեքսանդրիայում Շառլ Ազնավուրի համերգն անցկացվել է Եգիպտոսի մշակույթի նախարարի, տուրիզմի նախարարի եւ Եգիպտոսում Հայաստանի դեսպանի հովանավորությամբ: Հունվարի 5-ին Ալեքսանդրիայում Հայաստանի դեսպանի անունից կազմակերպվել է պաշտոնական ճաշկերույթ` ի պատիվ Շառլ Ազնավուրի, որին ներկա են եղել Ալեքսանդրիայի նահանգապետը եւ բազմաթիվ հյուրեր: Հունվարի 6-ին Շ. Ազնավուրը եւ նրան ուղեկցող պատվիրակությունը այցելել են Ալեքսանդրիայի հայկական եկեղեցի եւ մասնակցել Սուրբ Ծննդյան պատարագին: Հանդիպում է տեղի ունեցել նաեւ Ալեքսանդրիայի հայ համայնքի ներկայացուցիչների հետ: