2 րոպեի ընթերցում
ԷՋՄԻԱԾԻՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Նոյեբերի 4-ին` Ն.Ս.Օ.Տ.Տ. Գարեգին Բ Ամենայն Հայոց կաթողիկոսի գահակալության ութերորդ տարեդարձի օրը, Մայր Աթոռ Սուրբ Էջմիածնում Վեհափառ Հայրապետի հանդիսապետությամբ մատուցվել է Սբ. Պատարագ: Պատարագիչն է եղել Մայր Աթոռի միաբան Ներսես արքեպիսկոպոս Պոզապալյանը: Սբ պատարագի ավարտին Մայր Աթոռի միաբանության անունից Վեհափառ Հայրապետին շնորհավորական խոսք է ուղղել Ներսես արքեպիսկոպոսը: Ինչպես «Արմենպրեսե-ին հայտնեցին Մայր Աթոռի մամլո դիվանից, Սրբազանն անդրադարձել է Նորին Սրբության գահակալության ութ տարիների ընթացքում արձանագրած բազմաթիվ ձեռքբերումներին. «Ամեն տեղ նոր շինություններ բացվեցին, Մայր Աթոռն սկսեց բարգավաճել ու գեղեցկանալ, հիմնվեցին ու բացվեցին նորանոր եկեղեցիներ, հայորդյաց տներ ու կիրակնօրյա վարժարաններ` ի խնդիր մատաղ սերնդի դաստիարակության: Ավելի բարելավվեցին Եկեղեցու եւ պետության հարաբերությունները: Էկումենիկ միտքը մյուս եկեղեցիների, ինչպես նաեւ այլ կրոնների պետերի հետ հարաբերություններում նորանոր հաջողությունների է հասնում, որպեսզի Հայ Եկեղեցու նավը կարողանա աղաղությամբ հասնել իր նավահանգստինե: Այնուհետեւ կատարվել է Հայրապետական մաղթանք` Մայր Աթոռ Սուրբ Էջմիածնի պայծառության ու անսասանության եւ Նորին Սրբության քաջառողջության ու կենաց արեւշատության համար: