Հայաստանի բրիջի վարպետները Պեկինում կմասնակցեն ինտելեկտուալ խաղերի առաջին օլիմպիադային

ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ (թղթ. Զավեն Վարդանյան): Մարզական բրիջի Հայաստանի 4 վարպետներ՝ Լեւ Սեւիկյան-Էդուարդ Վարդապետյան եւ Նորայր Քալանթարյան-Արտյոմ Բալոյան զույգերը, իրավունք են ստացել մասնակցելու 2008 թվականին Պեկինում կայանալիք ինտելեկտուալ խաղերի առաջին օլիմպիադայում: Այս իրավունքը նրանք նվաճել են ՀՀ մարզական բրիջի ազգային առաջնության արդյունքներով` զբաղեցնելով, համապատասխանաբար, 1-ին եւ 2-րդ տեղերը: