Հայաստանի պատանի ծանրորդները դուրս կգան շվեդական մրցաբեմ

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ (թղթ. Զավեն Վարդանյան): Շվեդական Լանդսկրոնե քաղաքում մեկնարկած ծանրամարտի Եվրոպայի պատանեկան առաջնությունում Հայաստանի մարզիկներն ի վիճակի են պայքարելու առնվազն մի քանի մեդալի համար: Նման կարծիք «Արմենպրեսե-ին հայտնեց ՀՀ ծանրամարտի ýեդերացիայի գլխավոր քարտուղար Փաշիկ Ալավերդյանը: Այսօրվանից Հայաստանի մարզիկները կսկսեն իրենց մրցելույթը: Մեր հավաքականի կազմում ընդգրկված են՝ 50 կգ քաշային, վանաձորցի Զորիկ Պողոսյանը, 56 կգ Ռուբեն Մամոյանը` Սամաղարից, 62 կգ Արայիկ Միրզոյանը` Բաղրամյան գյուղից, 69 կգ Դավիթ Գալստյանը` Երեւանից, եւ 94 կգ ավել քաշային Ռուբեն Առաքելյանը` Արարատից: Փ.Ալավերդյանը նշեց, որ մեր մարզիկներից «նույնիսկ ամենահամեստ արդյունք ունեցողըե պետք է պայքարի առնվազն 6-րդ տեղի համար: Աղջիկների առաջնությունում հանդես կգան գյումրեցիներ Աննա Գովելյանը` 53կգ, Քրիստինե Պետրոսյանը՝ 44 կգ քաշային կարգ, եւ 53 կգ Հեղինե Եփրեմյանը` Քասախից: Հայաստանի մարզական պատվիրակության ղեկավարն է ՀՀ ծանրամարտի ýեդերացիայի նախագահ Սամվել Խաչատրյանը, թիմի մարզիչներն են Պողոս Պողոսյանը, Արտաշես Ներսիսյանը եւ Օգսեն Միրզոյանը: