ՀՀ ԱԳ նախարար Վ.Օսկանյանը որեւէ կուսակցությունից անդամակցության առաջարկություն դեռ չի ստացել
1 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ (թղթ. Նարինե Նազարյան): ՀՀ արտաքին գործերի նախարար Վարդան Օսկանյանը որեւէ կուսակցությունից անդամակցության առաջարկություն դեռ չի ստացել, եւ ինքն էլ խնդրանք չի ներկայացրել որեւէ կառույցի: Այս մասին հայտարարելով` Վ.Օսկանյանն այսօր հրավիրված ասուլիսում նշեց, որ տոներից հետո, երբ քաղաքական դաշտը հստակ ու պարզորոշ կլինի, կարելի է որոշել ինչպես ակտիվանալ քաղաքականության մեջ: «Քաղաքականությունից չեմ հոգնել, չեմ ցանկանում դուրս գալ, անելիքներ դեռ ունեմ, կփորձեմ մնալ եւ ներդրում ունենալե,-ասաց նախարարը` նշելով, որ դեռ չգիտի որքանով կհամընկնեն ցանկությունները իրականության հետ: Նրա կարծիքով` նոր նախագահը կցանկանա նոր արտգործնախարար ունենալ: