Հայաստանից Լուսինե Սահակյանը հաջորդ տարի կմասնակցի «Միսս գլոբինտերնացիոնալ-2007ե մոդելների մրցույթին

ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Հոնկոնգում դեկտեմբերի 8-ին կայացած «Միսս մոդել- 2006ե միջազգային մրցույթում Հայաստանի ներկայացուցիչ 22-ամյա Լուսինե Սահակյանն ընդգրկվել է 30 լավագույն մոդելների շարքում: Ինչպես «Արմենպրեսե-ի թղթակցին տեղեկացրեց «Միսս մոդել աշխարհե միջազգային գործակալության տնօրեն Աշոտ Խաչատրյանը, մրցույթին մասնակցում էին շուրջ 57 աղջիկներ տարբեր երկրներից, այդ թվում` üրանսիայից, ԱՄՆ-ից, Ավստրալիայից, Սինգապուրից, ՌԴ-ից, Թուրքիայից, Հունաստանից եւ այլն: Նրա խոսքով, հայաստանցի մասնակիցը ներկայացել է հայկական տարազով` եռագույն դրոշի գույներով, եւ արժանացել ժյուրիի անդամների ուշադրությանն ու ջերմ ընդունելությանը: Մրցույթից հետո լավագույն մասնակիցներից 7-ի, այդ թվում նաեւ` Լ.Սահակյանի հետ, կնքվել են մի շարք պայմանագրեր մրցույթի կազմակերպիչների հետ` նմանատիպ միջազգային մրցույթներում հանդես գալու համար: Հաջորդ տարի նա կմասնակցի նաեւ «Միսս գլոբինտերնացիոնալ-2007ե մոդելների մրցույթին: Նշենք, որ Լ.Սահակյանը 2003-ին մասնակցել է «Միսս տուրիզմ-2003ե միջազգային մրցույթին, նույն թվականին նա արժանացել է նաեւ «Վիցե Միսս Հայաստան -2003ե տիտղոսին: Հիշեցնենք, որ Հոնկոնգում կայացած մրցույթի առաջին մրցանակակիրը Չինաստանի ներկայացուցիչն էր, իսկ երկրորդ եւ երրորդ տեղերը զբաղեցրել են համապատասխանաբար Հոնկոնգի եւ Մակեդոնիայի մոդելները: