Արամ Ա կաթողիկոսն ու Լիբանանում ՀՀ-ի արտակարգ եւ լիազոր դեսպանը քննարկել են Հայաստան-Սփյուռք գործակցությանն առնչվող հարցեր

ԱՆԹԻԼԻԱՍ, 22 ՀՈՒՆՎԱՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը հունվարի 20-ին ընդունել է Լիբանանում ՀՀ-ի արտակարգ եւ լիազոր դեսպան Արեգ Հովհաննիսյանին: Ավելի քան մեկ ժամ տեւած հանդիպման ընթացքում քննարկվել են Հայաստան-Սփյուռք համագործակցությանն առնչվող հարցեր, ընդգծվել է հարաբերությունների արդի մակարդակն ամրապնդելու անհրաժեշտությունը: Արծարծվել են նաեւ խնդիրներ Լիբանանի ներկա վիճակի վերաբերյալ: