Արամ Ա© կաթողիկոսը Ջորջ Բուշին նամակ Է հղել՝ Սեմ Տեր-Եղիայանին դատավոր նշանակելու կապակցությամբ
1 րոպեի ընթերցում
ԱՆԹԻԼԻԱՍ, 22 ՕԳՈՍՏՈՍԻ, ԱՐՄԵՆՊՐԵՍ: Անցած շաբաթ ԱՄՆ Չիկագո նահանգում կայացել է հայազգի Սեմ Տեր-Եղիայանի դաշնակցային դատավոր նշանակվելու երդման արարողությունը` Միացյալ Նահանգների արդարադատության նախարարի, սենատորների, պատգամավորների եւ դատավորների ներկայությամբ: Ինչպես հաղորդում են Անթիլիասից, այս առիթով Մեծի Տանն Կիլիկիո Արամ Ա կաթողիկոսը ԱՄՆ նախագահ Ջորջ Բուշին նամակ է հղել, ողջունելով Սեմ Տեր- Եղիայանին՝ որպես դաշնակցային դատավոր նշանակումը: «Մենք նրան ճանչում ենք 40 տարիներ ի վեր, նրա մեջ տեսնելով պարկեշտ եւ ուղղամիտ մարդու, որը հավատում է հոգեւոր ու բարոյական արժեքներին եւ ամուր կառչած է արդարության եւ մարդկային իրավունքների պաշտպանությանըե, -գրել է Վեհափառ հայրապետը: Նա մասնավորապես ընդգծել է, որ Ս.Տեր- Եղիայանի նշանակումը մեծ պատիվ է Ամերիկայի հայ համայնքի համար, և որ նման կարեւոր դիրքում հայազգի գործչի նշանակումը արտահայտությունն է ԱՄՆ Սահմանադրությամբ երկրի բոլոր քաղաքացիների համար հաստատված հավասար իրավունքների առկայության` անկախ նրանց ցեղային եւ կրոնական պատկանելությունից: Նամակում Վեհափառը համոզմունք է հայտնել, որ Սեմ Տեր-Եղիայանը իրեն վստահված պաշտոնը կկատարի պատասխանատվության ու նվիրվածության բարձր գիտակցությամբ: