Արամ Ա կաթողիկոսը նախագահել է ԵՀԽ գործադիր վարչության ժողովը

ԱՆԹԻԼԻԱՍ, 24 ՓԵՏՐՎԱՐԻ. ԱՐՄԵՆՊՐԵՍ: Փետրվարի 17-22-ը Ժնևում տեղի է ունեցել Եկեղեցիների համաշխարհային խորհրդի գործադիր վարչության ժողովը` Արամ Ա կաթողիկոսի նախագահութեամբ: Ինչպես տեղեկացնում է Անթիլիասի մամլո դիվանը տարեկան երկու անգամ գումարվող այդ նիստերում քննարկվում են վարչական, տնտեսական, ծրագրային ու քաղաքական հարցերի լայն շրջանակ: Բացելով ժողովը`Վեհափառ հայրապետը նշել է, որ գործադիր վարչության այս հանդիպումը տեղի է ունենում միջազգային քաղաքական ու տնտեսական լուրջ տագնապների օրերին: Նման արագայում, ասել է նա, եկեղեցիները պետք է լինեն իրենց ժողովրդի հետ, դառնալով «սիրո ու միասնականության, արդարության ու խաղաղության առաքյալներե: Այնուհետև ծողովում լսվել ու քննարկվել են մի շարք զեկույցներ, ընդունվել համապատասխան որոշումներ: Արվել են հատուկ հայտարարություններ Իրաքի, Կիպրոսի եւ Շրի Լանկայի կացության կապակցությամբ: Որոշվել է հաջորդ ընդհանուր համաժողովը գումարել 2006 թվականին, Բրազիլիայում: