1 րոպեի ընթերցում
Եգիպտոսի դեսպանին ԱՆԹԻԼԻԱՍ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսն այսօր ընդունել է Լիբանանում Եգիպտոսի արտակարգ եւ լիազոր դեսպան Հուսեյն Տարրարին: Շուրջ մեկ ժամ տեւած հանդիպման ընթացքում քննարկվել են Մերձավոր Արեւելքին վերաբերող հարցեր, մասնավորապես՝ վերջին օրերին Իսրայելի կողմից Սիրիայի նկատմամբ իրականացված հարձակումների համատեքստում: Վեհափառ Հայրապետն ու դեսպանը դատապարտել են իսրայելական հարձակումները եւ կարեւորել ամեն տեսակ բռնություններից զերծ մնալը, որպեսզի խաղաղության գործընթացը մտնի իր դրական հունի մեջ: Զրույցի ընթացքում անդրադարձ է կատարվել նաեւ Լիբանանի ներքին կացությանը: Այս առումով ընդգծվել է տնտեսական դժվարությունները հաղթահարելու անհրաժեշտությունը: Վեհափառ Հայրապետն ու դեսպանը քննարկել են նաեւ առաջիկա շաբաթ Անթիլիասի Մայրավանքում տեղի ունենալիք երեք հոգեւոր պետերի հանդիպումը եւ այդ առիթով Ղպտի եկեղեցու պետ Շնուտա պատրիարքի այցելությունը, ինչպես նաեւ այդ օրերին կաթողիկոսարանի կազմակերպությամբ տեղի ունենալիք ձեռնարկները: