1 րոպեի ընթերցում
ԱՆԹԻԼԻԱՍ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը հոկտեմբերի 25-ին իր գրասենյակում ընդունել Է Կիպրոսի թեմի կաթողիկոսական փոխանորդին ու Կիպրոսի Ազգային իշխանության (հայ համայնքի) ներկայացուցիչներին։ Ինչպես տեղեկացնում են Անթիլիասից, հանդիպման ընթացքում քննարկվել են համայնքին վերաբերող մի շարք հարցեր« այդ թվում՝ պետության հետ հարաբերության« ազգային վարժարանների կյանքի« Մակարա վանքի կացությանն առնչվող խնդիրներ: Ազգային իշխանության ներկայացուցիչները Վեհափառ Հայրապետին ներկայացրել են վերջին շրջանում թեմում կատարվող քրիստոնեական դաստիարակության աշխույժ գործունեությունը, Ազգային Առաջնորդարանի հովանավորությամբ տեղի ունեցող մշակութային ձեռնարկները: Իր բարձր գնահատանքը հայտնելով կատարված աշխատանքին« Վեհափառ Հայրապետը կարեւորել Է եկեղեցու շուրջ համախմբվելու անհրաժեշտությունը եւ ազգային միասնականության պահպանումը: Նշենք« որ Կիպրոսի թեմականները Անթիլիասում են՝ Ազգային Կեդրոնական վարչության հետ թեմական իշխանության ժողովներին մասնակցելու համար: