1 րոպեի ընթերցում
ԱՆԹԻԼԻԱՍ, 11 ՄԱՅԻՍԻ, ԱՐՄԵՆՊՐԵՍ: Անթիլիասի Մայրավանք է այցելել Գերմանիայի եկեղեցիները ներկայացնող 10-հոգանոց մի պատվիրակություն՝ Բերլինի Լութերական եկեղեցու առաջնորդ Հյուբեր եպիսկոպոսի գլխավորությամբ: Պատվիրակությաննն ընկերակցել է Միջին Արեւելքի եկեղեցիների խորհրդի քարտուղարը: Ինչպես հայտնեցին Կիլիկիո Աթոռի մամլո դիվանից, այցի նպատակն էր մոտից ծանոթանալ Միջին Արեւելքում քրիստոնեության ներկայությանն ու վկայությանը: Ընդունելով պատվիրակությանը, Մեծի Տանն Կիլիկիո Արամ Ա կաթողիկոսն ընդհանուր գծերով ներկայացրել է Միջին Արեւելքում քրիստոնեության պատմությունը, անդրադարձել Հայ եկեղեցու դերին, Միջին Արեւելքի եկեղեցիների դիմագրաված մարտահրավերներին: Ընդգծվել է քրիստոնյա-իսլամ երկխոսության կարեւորությունը: