1 րոպեի ընթերցում
ԱՆԹԻԼԻԱՍ, 17 ՀՈՒԼԻՍԻ. ԱՐՄԵՆՊՐԵՍ: Մեծի Տանն Կիլիկիո կաթողիկոսության եւ Անտիոքի հույն ուղղափառ եկեղեցու միջեւ գործակցությունն ամրապնդելու, հատկապէս Լիբանանում եւ Սիրայում, Միջին Արեւելքի Եկեղեցիների խորհրդի հիմնական վերակառուցման, ուղղափառ եւ կաթոլիկ Եկեղեցիների միջեկեղեցական հարաբերությունների սերտացման, ինչպես նաեւ Եկեղեցիների համաշխարհային խորհրդին Ուղղափառ եկեղեցիների մասնակցության հարցերն են քննարկել Արամ Ա կաթողիկոսը եւ Հազիմ պատրիարքը երեկ Թըղրինի Հույն Ուղղափառ վանքում ունեցած հանդիպմաան ժամանակ: Ըստ Անթիլիասի մամլո դիվանի լրատվության, հիշյալ հարցերի շուրջ Հազիմ պատրիարքը ու Վեհափառ հայրապետը կարծիքներ են փոխանակել, ընդհանուր գծերով ճշտել գործակցության հստակ ուղղությունները: Երկու հոգեւոր պետերը նաեւ որոշել են հաճախակի հանդիպել Անթիլիասում եւ Դամասկոսում, որպեսզի շատ հարցերի շուրջ հանդես բերեն սերտ գործակցություն եւ միացյալ կեցվածք: