1 րոպեի ընթերցում
ԱՆԹԻԼԻԱՍ, 23 ՀՈՒԼԻՍԻ. ԱՐՄԵՆՊՐԵՍ: Մեծի Տանն Կիլիկիո կաթողիկոսը երեկ, Բիքýայայի վանքում, ընդունել է Լիբանանում Հոլանդիայի դեսպան Յան Քլեյուգին: Այցելության հիմնական նպատակը եղել է Լիբանանի ներկա կացությանը, նաեւ տարածաշրջանի անցուդարձի վերաբերյալ Վեհափառ հայրապետի տեսակետներին ծանոթանալը: Ինչպես տեղեկացնում է կաթողիկոսության մամլո դիվանը, շուրջ մեկժամյա զրույցի ընթացքում Արամ Ա կաթողիկոսը՝ ի պատասխան դեսպանի հետաքրքրություններին, վերլուծել եւ արժեւորել է Լիբանանի ներքին քաղաքական եւ տնտեսական կյանքին կապված մի շարք երեւույթներ նաեւ խոսել է պաղեստինյան գրավյալ հողերում տիրող ընդհանուր կացության մասին: Այս առումով Վեհափառն անդրադարձել է իսրայելյան բանակի կողմից գրավված հայապատկան կալվաածքների հարցին: Դեսպանն իր հերթին գնահատանքով է խոսել երկրի կյանքին լիբանանահայության ակտիվ մասնակցության մասին, նշել Մեծի Տանն Կիլիկիո կաթողիկոսության կարեւոր դերը հատկապէս միջեկեղեցական հարաբերությունների շրջագծում: