1 րոպեի ընթերցում
ԱՆԹԻԼԻԱՍ, 28 ՄԱՐՏԻ, ԱՐՄԵՆՊՐԵՍ:Մեծի Տանն Կիլիկիո Արամ Ա կաթողիկոսը Վեհարանի իր գրասենյակում մարտի 26-ի երեկոյան ընդունել է Համազգայինի Նորընտիր կենտրոնական վարչության լրիվ կազմին. այն ընտրվել է Լիբանանում օրերս տեղի ունեցած Համազգային հայ մշակութային միութեան ընդհանուր ժողովում: Կիլիկիո Աթոռի մամլո դիվանի հաղորդման համաձայն, Վեհափառ Հայրապետը բարձր է գնահատել Համազգայինի կրթական ու մշակութային գործունեությունը, շեշտելով նոր պայմանների ու պահանջների լույսի ներքո այն առավել աշխուժացնելու հրամայականը՝ զարկ տալու համար նոր սերնդի հայակերտումի նվիրական աշխատանքին, շեշտել է Հայաստան-Սփյուռք գործակցության շրջագծում Համազգայինի ունենալիք ներդրումը՝ հատկապես մշակութային բնագավառում: