1 րոպեի ընթերցում
ԱՆԹԻԼԻԱՍ, 18 ՓԵՏՐՎԱՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը կիրակի օրը մեկնել է Դանիայի մայրաքաղաք Կոպենհագեն՝ ատենապետելու Եկեղեցիների համաշխարհային խորհրդի գործադիր վարչության ժողովը: Տարին երկու անգամ գումարվող գործադիր վարչությունը ներկա ժողովում քննարկելու է ԵՀԽ-ի վերջին վեց ամիսների գործունեությունը՝ իր ծրագրային, տնտեսական, վարչական եւ այլ տեսանկյուններով: Ըստ Կիլիկիո Աթոռի մամլո դիվանի, ՎԵհափառ Հայրապետը նաեւ հանդիպումներ պետք է ունենա Դանիայի Լութերական եկեղեցու բարձրաստիճան պատասխանատուների, ինչպես նաեւ Դանիայի միջեկեղեցական խորհրդի ներկայացուցիչների հետ: