1 րոպեի ընթերցում
ԱՆԹԻԼԻԱՍ, 28 ՓԵՏՐՎԱՐԻ, ԱՐՄԵՆՊՐԵՍ: Չորեքշաբթի օրը, փետրվարի 27-ին, երեկոյան, Վիեննայում հանդիպում են ունեցել Հայաստանի Հանրապետության նախագահ Ռոբերտ Քոչարյանը եւ Մեծի Տանն Կիլիկիո Արամ Ա կաթողիկոսը: Կիլիկիո Աթոռի մամլո դիվանի հաղորդման համաձայն, շուրջ երեք ժամ տեւած հանդիպման ընթացքում արծարծվել են Հայաստանին ու հայ ժողովրդին հուզող հարցեր եւ մասնավորապես Հայաստան-Սփյուռք գործակցությանն առնչվող խնդիրներ: Նշենք, որ Արամ Ա կաթողիկոսն վերջին օրերին Կոպենհագենում եւ Ժնեւում հաջորդաբար նախագահել է միջեկեղեցական հանդիպումներում: