1 րոպեի ընթերցում
ԲԵՅՐՈՒԹ, 18 ՕԳՈՍՏՈՍԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսն այսօր առավոտյան Բիքýայայի վանքում ընդունել է Լիբանանում Եգիպտոսի Արաբական Հանրապետության արտակարգ եւ լիազոր դեսպան Աբդել Էլ Խուտարին: Կիլիկիո Աթոռի մամլո դիվանի համաձայն, քննարկվել են Լիբանան-Եգիպտոս հարաբերությունների եւ Լիբանանի ներկայիս կացության հետ կապված հարցեր: Դեսպանն իր գնահատանքը հայտնելով հայ համայնքի դերի առթիվ, խոսել է Ղպտի եկեղեցու եւ Մեծի Տանն Կիլիկիո կաթողիկոսության հարաբերությունների մասին: Հանդիպմանը ներկա է եղել Ազգային կենտրոնական վարչության ատենապետ Անդրե Թապուրյանը: