1 րոպեի ընթերցում
ՆԻԿՈՍԻԱ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հովվապետական այցելությամբ Կիպրոսում գտնվող Մեծի Տանն Կիլիկիո Արամ Ա կաթողիկոսը երկուշաբթի օրը բարեկամական այց է կատարել այդ երկրի նախկին նախագահ Սփիրոս Կիպրիանուին՝ նրա բնակարանում: Ս.Կիպրիանուն եղել է առաջին նախագահը, որը Հայ Դատը պետական մակարդակով ներկայացրել է ՄԱԿ-ում: Վեհափառ Հայրապետը, ի գնահատումն հայ ժողովրդի հանդեպ մեծ բարեկամության, Ս.Կիպրիանուին հուշագիր է հանձնել: Կիպրոսի նախկին Նախագահն իր ուրախությունն է հայտնել Հայոց ցեղասպանությունը դատապարտող մի շարք երկրների որոշումների առթիվ, հատկապես նշելով üրանսիան: