Իրանի ղեկավար այաթոլլա Ալի Խամենեին հայտարարել է, որ երկրի խորհրդարանական ընտրությունները տեղի կունենան նշանակված օրը՝ փետրվարի 20-ին
1 րոպեի ընթերցում
ԹԵՀՐԱՆ, 4 ՓԵՏՐՎԱՐԻ. ԱՐՄԵՆՊՐԵՍ: Իրանի Իսլամական Հանրապետության ղեկավար այաթոլլա Ալի Խամենեին այսօր Թեհրանում հայտարարել է, որ երկրի խորհրդարանական ընտրությունները տեղի կունենան նշանակված օրը՝ փետրվարի 20-ին: Այսպիսով, նա վերջ է դրել նախընտրական այն ճգնաժամին, որ երկրում ծայր էր առել ապագա գումարման խորհրդարանի պատգամավորության թեկնածուների ցուցակից ավելի քան 2 հազար անձանց բացառելու Դիտորդական խորհրդի որոշման լույսով: Իրանի հոգեւոր առաջնորդը նշել է, որ ընտրությունների շուրջ իշխանության տարբեր թեւերի միջեւ հակամարտությունները նորություն չեն, եւ «դրանցից յուրաքանչյուրից մենք պատվով ենք դուրս եկելե: «Այսօր ոչ մի փակուղի չկա Իսլամական Հանրապետության եւ երկրի ժողովրդի առջեւե,-ընդգծել է նա: