Ալեքսանդր Լուկաշենկո. «ՀԱՊԿ-ի շրջանակներում ռազմաքաղաքական համագործակցությունը զարգացման դրական միտում ունիե

ՄԻՆՍԿ, 12 ՀՈՒՆՎԱՐԻ, ԱՐՄԵՆՊՐԵՍ: Վերջին երկու տարիներին Հավաքական անվտանգության պայմանագրի կազմակերպության շրջանակներում ամրապնդվել են դրական միտումները ռազմաքաղաքական համագործակցության զարգացման բնագավառում, կազմակերպությունը հարմարվում է ժամանակակից մարտահրավերներին ու սպառնալիքներին: Այդ մասին հայտարարել է Բելառուսի նախագահ Ալեքսանդր Լուկաշենկոն՝ ելույթ ունենալով ԱՊՀ-ի տարածքի բազմակողմ ինտեգրացիոն միավորումներում հանրապետության քաղաքականության հարցերին նվիրված խորհրդակցությունում: «Բելառուսի շուրջ ստեղծված բարդ իրադրության պայմաններում ՀԱՊԿ-ի շրջանակներում համագործակցությունը դառնում է ազգային անվտանգության ապահովման գլխավոր գործիքներից մեկըե,-ընդգծել է Լուկաշենկոն: «Ցավոք, տարածաշրջանային ինտեգրացիոն կազմակերպություններում եւս մնում են մի շարք հիմնախնդիրներ, եւ դրանք պետք է լուծել՝ այդ կազմակերպությունները դուրս բերելով ճգնաժամից: Եվրասիական տնտեսական հանրակցությունում լրացուցիչ միջոցներ են անհրաժեշտ ընդհանուր մաքսային սակագնի ձեւավորման համար: Լուրջ խոսակցություն է հասունանում Ռուսաստանի տարածքով էլեկտրաէներգիայի եւ ածխաջրածինների փոխադրման հարցի շուրջ: Մենք մոտեցել ենք մի փուլի, երբ հարկավոր է դիվերսիýիկացնել այդ տեսակի էներգակիրների մատակարարումներըե,-ասել է պետության ղեկավարը: Կարեւոր հարցերի թվում Ալեքսանդր Լուկաշենկոն նշել է երկաթուղային փոխադրումները: Ինչպես ընդգծել է նախագահը, «ռուսաստանյան տարանցման սակագնի բարձր մակարդակը շատ դեպքերում մեր արտադրանքը վերածում է անմրցունակ ապրանքիե: «Հարկավոր է ապացուցել մեր գործընկերներին, որ ԵվրԱսՏՀ-ի բոլոր պետությունների, ներառյալ Ռուսաստանի շահերից է բխում միասնական երկաթուղային սակագնի սահմանման գնային քաղաքականության ձեւավորումը, որը տարանցումը տնտեսապես շահավետ կդարձնիե,-ասել է նա: Անդրադառնալով ՀԱՊԿ-ի գործունեությանը՝ պետության ղեկավարը նշել է. «Չնայած ակնհայտ առաջընթացին, ՀԱՊԿ-ն եւս ոչ լիովին է համապատասխանում անվտանգության արդյունավետ կազմակերպման չափանիշներին, տեղապտույտ է տալիս արտաքին քաղաքականության փոխհամաձայնեցման մեխանիզմը. առանձին անդամ պետություններ առանց ՀԱՊԿ-ի գծով իրենց գործընկերների հետ խորհրդատվություններ անցկացնելու որոշումներ են ընդունում իրենց տարածքում ԱՄՆ-ի եւ ՆԱՏՕ-ի զինված ուժեր տեղաբաշխելու մասինե: