Ավինյանը ներկայացրել է Երևանի խցանումների խնդրի հնարավոր լուծումները

2 րոպեի ընթերցում

Երևանի խցանումների խնդրի լուծման համար անհրաժեշտ է ամբողջությամբ առանձնացնել ավտոբուսների համար նախատեսված գծերը, տարբեր հատվածներում առողջապահական հիմքով մարդատար ավտոմեքենաների համար սահմանափակումներ մտցնել, ինչպես նաև շարունակական մեխանիզմներ կիրառել երթևեկության կանոնների խախտումները նվազեցնելու ուղղությամբ։

«Արմենպրես»-ի հաղորդմամբ՝ այս մասին  Երևան քաղաքի ավագանու  7-րդ  նստաշրջանի 3-րդ նիստին իր ելույթում ասաց Երևանի քաղաքապետ Տիգրան Ավինյանը։

Նրա խոսքով՝ մարդատար ավտոմեքենաների թիվը պետք է նվազի, որպեսզի քաղաքում հնարավոր լինի ապահովել բնականոն երթևեկություն։

Քաղաքապետը շեշտեց, որ խցանումների հիմնական պատճառը մարդատար ավտոմեքենաների թվի աճն է՝ շեշտելով, որ այդ պայմաններում անհրաժեշտ է առավելության տալ հանրային տրանսպորտին։

«Մենք պետք է համադրենք ավտոմեքենաների քանակի սահամնափակումը նաև առողջապահական խնդրի հետ»,- ասաց Ավինյանը՝ պարզաբանելով, որ խոսքն ավտոմեքենաներից արտանետվող NO2-ի մասին է, որն ուղղակիորեն կորելացված է թոքային, շնչառական խնդիրների հետ։

Նրա խոսքով՝ այս խնդիրների լուծումների տարբերակները դրվելու են հանրային քննարկման։  

Ավինյանը հավելեց, որ Արշակունյաց-Իսակով ճանապարհի կառուցումը և Նորագավիթի էստակադայի շինարարությունը որոշակիորեն կկարգավորեն երթևեկությունը, սակայն չեն լուծի խցանումների խնդիրը։

Անդրադառնալով կառուցապատման և խցանումների միջև կապին՝ քաղաքապետը նշեց, որ շենքերը չեն ստեղծում խցանումներ, դրանք ստեղծում են մարդիկ և ավտոմեքենաները։

Նրա խոսքով՝ 2021 թվականին բազմաբնակարան շենքերի և բնակելի համալիրների կառուցման ռեկորդային՝ 108 շինթույլտվություն է տրվել։  

«Այսօր շահագործման են հանձնվում այն շենքերը, որոնց կառուցման թույլտվությունները տրվել են այդ ժամանակահատվածում։ Դրանից հետո նման ծավալի շինթույլտվություններ չեն տրվել։ Մասնավորապես, 2025 թվականին տրվել է 37 շինթույլտվություն»,-հավելեց նա։

Հայերեն English

Ավինյանը ներկայացրել է Երևանի խցանումների խնդրի հնարավոր լուծումները

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Ռուբիոն դատապարտել է Իրանի հարձակումները Բահրեյնի վրա

«Եվրատեսիլ 2027»-ի տոմսերի վաճառքը կսկսվի հունվարին. BTA

Գեղարքունիքում «Կանանց տնտեսական հզորացում Հարավային Կովկասում» ծրագրի շահառու կանայք ստացել են բիզնեսի համար անհրաժեշտ սարքավորումներ

Իրանի զինվորականները հայտնել են Բահրեյնում ամերիկյան ռազմաբազայի վրա գրոհելու մասին

Ադրբեջանցի զինծառայողը Շաքիի բնակարանում 6 կրակոց է արձակել, զենքով սպառնացել երեխաներին. Մուսաևի գործը մուտքագրվել է դատարան

Ծովինար գյուղի նորաստեղծ թաղամասում խմելու ջրատար է կառուցվում

ԱՄՆ ռազմածովային ուժերն ավելի քան 20 ռազմանավ են կենտրոնացրել Մերձավոր Արևելքի շրջանում

Գավառի համայնքապետարանում կազմակերպվել է նոր անտառի ստեղծմանը նվիրված հանրային լսում