Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

2 րոպեի ընթերցում

ՀՀ առողջապահության նախարար Անահիտ Ավանեսյանը Գյումրիի բժշկական կենտրոնի աշխատակազմին ներկայացրել է տնօրենի պաշտոնակատար Դավիթ Գևորգյանին։

Ինչպես հաղորդում է «Արմենպրես»-ը, Դավիթ Գևորգյանը ծննդով Շիրակի մարզից է։ Նա աշխատել է «Էրեբունի» բժշկական կենտրոնում՝ որպես վիրաբույժ և անհետաձգելի բուժօգնության վիրաբուժական ծառայության ղեկավար, ինչպես նաև ինֆեկցիոն հիվանդանոցում և կենտրոնական բժշկական հանձնաժողովում՝ որպես վիրաբույժ։ Անկուսակցական է։

Շիրակի մարզպետ Դավիթ Առուշանյանն ընդգծել է Գյումրիի բժշկական կենտրոնի կարևոր նշանակությունը մարզի առողջապահական համակարգում՝ նշելով, որ բուժհաստատության անխափան և արդյունավետ աշխատանքն առաջնային նշանակություն ունի մարզի բնակիչների համար։ Մարզպետը շնորհակալություն է հայտնել նաև բժիշկ Արմեն Խաչատրյանին՝ անցումային շրջանում կենտրոնի աշխատանքը համակարգված և անխափան կազմակերպելու համար և հաջողություն մաղթել նորանշանակ պաշտոնակատարին։

Առողջապահության նախարարն ու մարզպետը կարևորել են բժշկական կենտրոնի շարունակական զարգացումը, բուժծառայությունների որակի բարձրացումն ու բնակչության համար դրանց հասանելիության ապահովումը։ Նրանք ընդգծել են նաև կենտրոնի նախկին տնօրեն Արմեն Իսահակյանի ներդրումը բուժհաստատության կայացման գործում։ Իսահակյանը Գյումրիի բժշկական կենտրոնը ղեկավարել է երկար տարիներ՝ մինչև կյանքի վերջ՝ 2026 թվականի հունիսի 30-ը։

Հայերեն

Դավիթ Թադևոսյանն ԱՄՆ-ում հանդիպել է Սթենֆորդի և Բերքլիի համալսարաններում սովորող հայ ուսանողների հետ

Օմանի և Իրանի արտաքին գործերի նախարարները քննարկել են ծովային միջանցքների անվտանգության հարցը

ԿԳՄՍ նախարարը քննարկում է անցկացրել գիտական արդյունքի առևտրայնացման վերաբերյալ

ՀՀ-ում կիրականացվի Ֆիզիկական արհեստական բանականության 7-ամյա ծրագիր

Ուիթքոֆն ու Քուշները նոյեմբերի 19-ին Բեռլինում կքննարկեն Ուկրաինայի անվտանգության երաշխիքները. Axios

ԱԺ-ն օրակարգ չի ընդգրկել ժողովրդավարության վիճակի վերաբերյալ ընդդիմության հայտարարության նախագիծը

Ռուսաստանը ենթարկվել է 1441 ԱԹՍ-ի զանգվածային հարձակման, 800-ը՝ Մոսկվայի ուղղությամբ

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres