Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները
1 րոպեի ընթերցում
ՀՀ բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը ԱՄՆ աշխատանքային այցի շրջանակում այցելել է MITRE կազմակերպություն՝ քննարկելու Հայաստանի և ամերիկյան առաջատար հետազոտական ու տեխնոլոգիական կառույցների համագործակցության հնարավորությունները։
«Արմենպրես»-ի փոխանցմամբ՝ նախարարն այս մասին հայտնել է «Ֆեյսբուք»-ի իր էջում։
«Քննարկել ենք Հայաստանի պաշտպանական նորարարությունների և հետազոտությունների ու մշակումների էկոհամակարգի ամրապնդումը՝ արհեստական բանականության, կիբեռանվտանգության, տվյալների վերլուծության և առաջադեմ տեխնոլոգիաների ուղղություններով։
Անդրադարձել ենք միջազգային փորձի ներգրավմանը և պետական, գիտահետազոտական, համալսարանական ու մասնավոր հատվածների կարողությունների համադրմանը»,- գրել է Թադևոսյանը։
Նախարարի խոսքով՝ որպես հաջորդ քայլ դիտարկվել են Հայաստանի տեխնոլոգիական և պաշտպանական նորարարությունների ներուժի գնահատումը, առաջնահերթությունների սահմանումն ու փորձնական նախաձեռնությունների իրականացումը։
«Մեր նպատակն է ընդլայնել Հայաստանի հետազոտական և ինժեներական կարողություններն ու խթանել դրանց կիրառական նշանակությունը»,- նշել է նա։