Սիգի ձվադրման շրջանում Սևանա լճում և հարակից ճանապարհներին վերահսկողությունը կուժեղացվի

1 րոպեի ընթերցում

Սիգի բնական վերարտադրությունն ապահովելու նպատակով Սևանա լճում և հարակից ճանապարհներին կուժեղացվի վերահսկողությունը։ «Արմենպրես»-ի փոխանցմամբ՝ այս մասին տեղեկացրել է Հայաստանի շրջակա միջավայրի  նախարար Համբարձում Մաթևոսյանը՝ «Ֆեյսբուք»-ի իր էջում կատարած գրառման միջոցով։ 

«Նոյեմբերի 21-ից մեկնարկում են Սևանա լճում սիգի ձվադրման ժամանակահատվածում իրականացվող համատեղ միջոցառումները, որոնք կշարունակվեն մինչև 2027 թվականի փետրվարի 1-ը։

Սիգի բնական վերարտադրությունն ապահովելու նպատակով կուժեղացվի վերահսկողությունը լճում և հարակից ճանապարհներին, դուրս կբերվեն ապօրինի որսի համար օգտագործվող լողամիջոցներն ու որսագործիքները։

Երևանի և մարզերի շուկաներում կիրականացվեն ստուգայցեր՝ սիգի և սիգի ձկնկիթի վաճառքը կանխարգելելու նպատակով։

Ձկնորսների և բնակչության շրջանում կիրականացվեն նաև իրազեկման աշխատանքներ»,– գրել է Համբարձում Մաթևոսյանը՝ կոչ անելով պահպանել ձվադրման ժամանակահատվածում որսի արգելքը և աջակցել պատասխանատու կառույցների աշխատանքին։ 

Նախարարն ընդգծել է, որ սիգի բնական վերարտադրության ապահովումը Սևանի ձկնային պաշարների վերականգնման կարևոր պայման է։

Հայերեն

Ֆրանկոֆոնիայի 20-րդ գագաթնաժողովի արդյունքներով ընդունված բանաձևը ողջունել է Հայաստանի և Ադրբեջանի միջև խաղաղության գործընթացը

Բահրեյնում ԱՄՆ դեսպանատունը քաղաքացիներին կոչ է արել զգոն լինել Իրանի և հութիների հնարավոր հարձակումների սպառնալիքի պատճառով

Լեհաստանում ահաբեկչություն նախապատրաստելու կասկածանքով երեք դեռահաս է ձերբակալվել

Սոմալիի դրոշի ներքո նավարկող բեռնատար նավն աղետի ազդանշան է ուղարկել Սև ծովի բուլղարական տնտեսական գոտում

ԵՄ-ն Ռուսաստանի դեմ պատժամիջոցների ցանկում ներառել է Wildberries ընկերության հիմնադրին

Սիգի ձվադրման շրջանում Սևանա լճում և հարակից ճանապարհներին վերահսկողությունը կուժեղացվի

Ռուսաստանը հերքում է դիվերսիայի վերաբերյալ Էստոնիայի մեղադրանքները

ԵՄ խորհուրդը հաստատել է Ուկրաինային ռեկորդային՝ 8 մլրդ եվրոյի ֆինանսական աջակցության տրամադրումը

Նոր հնարավորություն հայկական բիզնեսի համար․ իր գործունեությունն է սկսում Հայ-հունգարական գործարար խորհուրդը

Աշխարհի թոփ 50 բուհերի ուսանողների զորակոչի տարիքային շեմն առաջարկվում է դարձնել 32-ը