2 րոպեի ընթերցում
ԱՄՆ զինված ուժերն Իրանի հետ հակամարտության սկզբից ի վեր կորցրել են 25 ռազմական ինքնաթիռ, 49 անօդաչու թռչող սարք և 7 ուղղաթիռ։ «Արմենպրես»-ի փոխանցմամբ՝ այս մասին վկայում է ԱՄՆ Կոնգրեսի հետազոտական ծառայության նոր զեկույցը։
Մասնավորապես, ռազմական գործողությունների ընթացքում և «բարեկամական կրակի» հետևանքով ոչնչացվել են F-15E Strike Eagle 15 կործանիչ, հինգերորդ սերնդի F-35C Lightning II մեկ կործանիչ և երկու A-10 Thunderbolt II գրոհիչ ինքնաթիռ։ Բացի այդ, ավիացիոն աղետների և իրանական գնդակոծումների հետևանքով, որոնք հասցվել են ավիաբազաներին, ոչնչացել է KC-135 Stratotanker յոթ լցավորող ինքնաթիռ, հեռահար ռադիոտեղորոշիչ հայտնաբերման և կառավարման մեկ EC-3 Sentry AWACS ինքնաթիռ, ինչպես նաև մեկ MC-130J կրակային աջակցության ինքնաթիռ, որն ամերիկացի զինվորականները պայթեցրել են Իրանի տարածքում իրականացված որոնողափրկարարական գործողության ժամանակ։
Իրանի դեմ անցկացված գործողությունների ընթացքում ԱՄՆ զինված ուժերը կորցրել են առնվազն 45 MQ-9 Reaper հետախուզական-հարվածային ԱԹՍ, երեք MQ-1 բազմանպատակային ԱԹՍ և մեկ MQ-4C Triton ծովային հետախուզական ԱԹՍ։
Նա ոչնչացել է յոթ հարվածային և բազմանպատակային պտուտակաթևավոր ուղղաթիռ։
Զեկույցում նշվում է, որ ավելի վաղ ԱՄՆ պաշտպանության նախարարության մի շարք վերլուծաբաններ և ներկայացուցիչներ հրապարակել էին կորցրած տեխնիկայի, այդ թվում՝ ավիացիայի փոխարինման արժեքի տարբեր գնահատականներ։ Սեպտեմբերին ԱՄՆ Կոնգրեսի բյուջետային վարչությունը կորցրած տեխնիկայի արժեքն օգոստոսի 1-ի դրությամբ գնահատել էր 1,9-3,3 միլիարդ դոլար՝ կախված այն հանգամանքից, թե Պենտագոնը ինչ պլաններով է նախատեսում փոխարինել այդ տեխնիկան։