Բրազիլում կայացել են նախագահական ընտրությունները. Բոլսոնարուն և Լուլա դա Սիլվան կմրցեն երկրորդ փուլում

3 րոպեի ընթերցում

Բրազիլում նախագահական ընտրությունների առաջին փուլում ոչ մի թեկնածու չի ստացել հաղթանակի համար անհրաժեշտ ձայների ավելի քան 50 տոկոսը։ Հոկտեմբերի 25-ին կայանալիք երկրորդ փուլում միմյանց դեմ կմրցեն աջակողմյան «Լիբերալ» կուսակցության թեկնածու, սենատոր Ֆլավիու Բոլսոնարուն և գործող նախագահ, ձախակողմյան Լուիս Ինասիու Լուլա դա Սիլվան։ Ինչպես հաղորդում է «Արմենպրես»-ը, այս մասին հայտնում է  Reuters-ը։

Բարձրագույն ընտրական դատարանի պաշտոնական տվյալների համաձայն՝ էլեկտրոնային արձանագրությունների 99,70 տոկոսի մշակումից հետո առաջին փուլում Բոլսոնարուն ստացել է ձայների 47,09 տոկոսը՝ ավելի քան 56 մլն ձայն։ Լուլա դա Սիլվան երկրորդ տեղում է՝ 45,09 տոկոս արդյունքով և ավելի քան 53,6 մլն ձայնով։

Այսպիսով, հոկտեմբերի 4-ին կայացած քվեարկության արդյունքներով Բոլսոնարուի առավելությունը գործող նախագահի նկատմամբ կազմել է 2 տոկոսային կետ կամ շուրջ 2,39 մլն ձայն։

Բոլսոնարուի արդյունքը գերազանցել է նախընտրական հարցումների կանխատեսումները։ Ընտրություններից առաջ հրապարակված մասնավոր հարցումները կանխատեսում էին, որ առաջին փուլում Լուլա դա Սիլվան Բոլսոնարուից առաջ կլինի շուրջ 3 տոկոսային կետով։

Առաջին փուլի ընթացքում ընտրարշավի առանցքային թեմաներից էին թանկացումները, կոռուպցիան և քաղաքացիների առօրյա անվտանգության հետ կապված խնդիրները։

«Բրազիլը փոփոխություն է ցանկանում, և ես շատ գոհ եմ արդյունքներից», - քվեարկության արդյունքների հրապարակումից հետո լրագրողներին ասել է Բոլսոնարուն։

Սենատոր Ֆլավիու Բոլսոնարուն աջակողմյան նախկին նախագահ Ժաիր Բոլսոնարուի որդին է։ Ժաիր Բոլսոնարուն 2022 թվականի նախագահական ընտրություններում պարտվելուց հետո պետական հեղաշրջում կազմակերպելու փորձի համար դատապարտվել է 27 տարվա ազատազրկման։

Լուլա դա Սիլվան, իր հերթին, ընդունել է, որ ակնկալում էր հաղթել արդեն առաջին փուլում։

«Վաղվանից մենք սկսում ենք նոր քարոզարշավ», - հայտարարել է Լուլան Սան Պաուլոյում իր կողմնակիցների առջև։

Ընդհանուր առմամբ ընտրություններին մասնակցել է ավելի քան 124,9 մլն քաղաքացի՝ գրեթե 158,7 մլն գրանցված ընտրողից։ Մասնակցության մակարդակը կազմել է 78,93 տոկոս։

Հայերեն English Русский

Անհայտ կորածների ճակատագրի պարզաբանման հարցում պետությունների պատասխանատվությունն ու միջազգային մեխանիզմները՝ փորձագետների ուշադրության կենտրոնում

Փորձաքննությունը հաճախ չի կատարում նախագծերի որակի ֆիլտրի իր դերը. Քաղաքաշինության կոմիտեի նախագահ

Մոլդովայի խորհրդարանի խոսնակն աջակցել է երկրի օդային տարածքի պաշտպանության նպատակով Ռումինիայի հետ համագործակցելու առաջարկին. Moldpres

44-օրյա պատերազմի հետևանքով անհայտ կորածների նույնականացման համար ուսումնասիրվել է 4005 ոսկրային նմուշ

Բուլղարացի աստղագետը մասնակցել է Երկրի մերձակայքում երեք աստղից բաղկացած հազվագյուտ աստղային համակարգի հայտնաբերմանը. BTA

Ազգային ժողովի նիստը նոյեմբերի 19-ին կշարունակվի մինչև ժամը 20։00-ն

Վահան Կոստանյանն ընդունել է Արգենտինայի Կորդոբա նահանգից ժամանած գործարար պատվիրակությանը

ՀՀ ԿԲ. թանկարժեք մետաղների գներ և փոխարժեքներ -19/11/26

Ասիական ինդեքսները նվազել են - 19/11/26

Վան Գոգի «Ծաղկող շագանակենին» կտավը վաճառվել է ավելի քան 190 մլն դոլարով