1 րոպեի ընթերցում
Հայաստանի ֆուտբոլի ազգային ընտրանին Ազգերի լիգայի երրորդ տուրի արտագնա խաղում մրցեց Կիպրոսի հավաքականի հետ:
«Արմենպրես»-ի հաղորդմամբ՝ Նիկոսիայում կայացած խաղի առաջին կեսում՝ 19-րդ ու 31-րդ րոպեին, Կիպրոսի հավաքականը կարողացավ երկու անգամ գրավել Հայաստանի ընտրանու դարպասը: Թիմերն ընդմիջման գնացին տան տերերի առավելությամբ: Երկրորդ կեսի 52-րդ րոպեին Կիպրոսի հավաքականից Պիլեասը կարմիր քարտ ստացավ, ու նրանք մնացին 10 ֆուտբոլիստով:
Եղիշե Մելիքյանի գլխավորած թիմին այդպես էլ չհաջողվեց բեկել հանդիպման ընթացքը, ու Հայաստանի հավաքականը երկրորդ անընդմեջ պարտությունը կրեց Ազգերի լիգայում:
Հաջորդ՝ 4-րդ տուրի հանդիպումը Հայաստանի ընտրանին կանցկացնի հոկտեմբերի 5-ին՝ հյուրընկալվելով Չեռնոգորիային: