ԱՄԷ և Իսրայելի ԱԳ նախարարները քննարկել են flydubai ավիաընկերության չվերթի միջադեպը

2 րոպեի ընթերցում

Արաբական Միացյալ Էմիրությունների արտաքին գործերի նախարար շեյխ Աբդալլահ բին Զայեդը և Իսրայելի արտաքին գործերի նախարար Գիդեոն Սաարը հեռախոսազրույց են ունեցել, որի ընթացքում քննարկել են ԱՄԷ-ի և Իսրայելի միջև երկկողմ հարաբերությունները, ինչպես նաև տարածաշրջանային զարգացումները: «Արմենպրես»-ի փոխանցմամբ՝ այս մասին X-ի գրառման մեջ հայտնել է ԱՄԷ ԱԳ նախարարությունը։

«Շեյխ Աբդալլահը հետաքրքրվել է Դուբայի միջազգային օդանավակայանից Բեն Գուրիոն միջազգային օդանավակայան flydubai ավիաընկերության չվերթի ուղևորների առողջական վիճակով․ չվերթի ընթացքում տեղի էր ունեցել անվտանգության հետ կապված միջադեպ, որը հաջողվել էր վերահսկողության տակ առնել։ Նախարարը նրանց մաղթել է առողջություն և բարեկեցություն: Նա նաև իր ողջույններն է փոխանցել ուղևորների ընտանիքներին»,- նշվել է գրառման մեջ։

Իսրայելի ԱԳ նախարարն իր հերթին X-ում անդրադարձել է ԱՄԷ ԱԳ նախարարի հետ ունեցած հեռախոսազրույցին՝ նշելով, որ ջերմ զրույցի ընթացքում վերահաստատել են վճռականությունն՝ ամրապնդելու երկու երկրների միջև հարաբերությունները բոլոր մակարդակներում և համատեղ գործելու տարածաշրջանում անվտանգությանը վնաս հասցնել ու կայունությունը խաթարել փորձող ծայրահեղական տարրերի դեմ։

«Ես գործընկերոջս տեղեկացրի իսրայելցի ուղևորների վերադարձի մասին»,- նշել է նա։

Սեպտեմբերի 30-ին Դուբայից Թել Ավիվ թռնող օդանավը փոխել էր ուղղությունը՝ տալով ընդհանուր վթարային ազդանշան։ Ավելի ուշ ինքնաթիռը վայրէջք էր կատարել Սաուդյան Արաբիայի «Թաբուկ» օդանավակայանում։ Պարզվել է, որ երկրորդ օդաչուն դանակահարել է օդաչուին, ինչի ժամանակ ինքնաթիռը կտրուկ սկսել է բարձրությունը կորցնել։  

Աշխարհ

Իսրայելի և Հնդկաստանի ղեկավարները «հերոս» են անվանել Դուբայից Թել Ավիվ թռչող ինքնաթիռը կործանումից փրկած հնդիկ օդաչուին

 

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն