Մեծ Բրիտանիան կխստացնի Իրանի դեմ պատժամիջոցները

2 րոպեի ընթերցում

Մեծ Բրիտանիայի կառավարությունը ներկայացրել է Իրանի դեմ պատժամիջոցների խստացման օրենսդրական միջոցներ: Ինչպես հայտնել է Միացյալ Թագավորության արտաքին գործերի փոխնախարար Սթիվեն Դաութին, սահմանափակումները կվերաբերեն Իսլամական Հանրապետության ֆինանսական համակարգին, առևտրին և ծովային փոխադրումներին:

«Արմենպրես»-ի փոխանցմամբ՝ Դաութին գրավոր հայտարարություն է ուղղել Մեծ Բրիտանիայի խորհրդարանի Համայնքների պալատ։

Խորհրդարանի կողմից հաստատման դեպքում կվերականգնվեն մի շարք պատժամիջոցներ, որոնք չեղարկվել էին 2015 թվականին Իրանի հետ կնքված միջուկային գործարքի համաձայն։

«Ֆինանսական միջոցներն էլ ավելի կսահմանափակեն Իրանի կառավարության հնարավորությունները՝ հասանելիություն ունենալու Մեծ Բրիտանիայի ֆինանսական համակարգին և միջոցներ ներգրավելու իր միջուկային ծրագրի ֆինանսավորման համար: Այս օրենսդրության շրջանակներում ընդլայնվում է ապրանքների, տեխնոլոգիաների և ծառայությունների ցանկը, որոնց նկատմամբ գործում են առևտրային արգելքներ: Դա վերաբերում է այն ոլորտներին, որոնք առանցքային դեր են խաղում այն ճյուղերում, որոնք նպաստում են Իրանի միջուկային ներուժի մեծացմանը, ինչպիսիք են էներգետիկան, ծրագրային ապահովումը, մետալուրգիան, ոսկու արդյունահանումը, ինչպես նաև գործունեության ուղեկցող տեսակները, ներառյալ ծովային փոխադրումները, ապահովագրությունը և բանկային ծառայությունները», - ասված է Դաութիի հայտարարության մեջ:

Արգելվում է նաև «լրացուցիչ ապրանքների և տեխնոլոգիաների» արտահանումը, որոնք կարևոր նշանակություն ունեն Իրանի սովորական սպառազինության արտադրության և միջուկային ներուժի զարգացման համար:

Բացի այդ, սահմանվում է իրանական օդանավերի վայրէջքի արգելք Մեծ Բրիտանիայում՝ բացառությամբ մի շարք դեպքերի:

Դաութին հավելել է, որ «օրենսդրությունն ընդլայնում է պատժամիջոցների սահմանման լիազորություններն այն նավերի նկատմամբ, որոնք ապահովում են Իրանի միջուկային ծրագրի իրագործումը և նպաստում նրա խափանարար և  ապակայունացնող գործունեությանը»:

Հայերեն Русский

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26