Ըստ Ուիթքոֆի՝ կարող են անցկացվել Ռուսաստան-Ուկրաինա-ԱՄՆ նոր եռակողմ բանակցություններ

ԱՄՆ նախագահի հատուկ բանագնաց Սթիվ Ուիթքոֆը հայտարարել է Ռուսաստանի և Ուկրաինայի հետ բանակցություններում «էական առաջընթացի», այդ թվում՝ նոր եռակողմ բանակցությունների անցկացման ուղղությամբ առաջխաղացման մասին։ Ինչպես հաղորդում է «Արմենպրես»-ը, Ուիթքոֆն այս մասին գրել է X-ի իր պաշտոնական էջում։

At President Trump’s direction, United States negotiators visited both Moscow and Kyiv in order to facilitate additional dialogue to end the Russia-Ukraine War. Ahead of the trip, the Russians and Ukrainians agreed to a three-day no-shoot policy to enable these discussions to… pic.twitter.com/7oj7C2Qp2p

— Special Envoy Steve Witkoff (@SEPeaceMissions) September 7, 2026

Նրա խոսքով՝ ԱՄՆ նախագահ Դոնալդ Թրամփի հանձնարարությամբ ամերիկացի բանակցողները մեկնել են Մոսկվա և Կիև՝ ռուս-ուկրաինական պատերազմի դադարեցմանն ուղղված երկխոսության շարունակմանը նպաստելու համար։

Այցերից առաջ Ռուսաստանն ու Ուկրաինան պայմանավորվել էին եռօրյա հրադադարի մասին՝ բանակցությունների անցկացումն ապահովելու նպատակով։

Ուիթքոֆը, Ջարեդ Քուշները, ինչպես նաև ԱՄՆ Ազգային անվտանգության խորհրդի, Պետական դեպարտամենտի և ֆինանսների նախարարության ներկայացուցիչները հանդիպել են Ռուսաստանի նախագահ Վլադիմիր Պուտինի և Ուկրաինայի նախագահ Վոլոդիմիր Զելենսկու հետ՝ կողմերից յուրաքանչյուրի առաջարկները մյուս կողմին ներկայացնելու և քննարկելու համար։

Կիևում բանակցություններին միացել են նաև Մեծ Բրիտանիայի, Գերմանիայի և Ֆրանսիայի ազգային անվտանգության հարցերով խորհրդականները։

«Էական առաջընթաց է գրանցվել, այդ թվում՝ նոր եռակողմ բանակցությունների անցկացման ուղղությամբ»,- նշել է Ուիթքոֆը։