ՊԵԿ-ում ԱՄՀ առաքելության հետ կքննարկվեն չձևակերպված աշխատանքային հարաբերությունների բացահայտման մեխանիզմները
1 րոպեի ընթերցում
ՀՀ պետական եկամուտների կոմիտեի նախագահի տեղակալ Վրեժ Մխիթարյանը հյուրընկալել է Արժույթի միջազգային հիմնադրամի առաքելության ներկայացուցիչներին։ Ինչպես «Արմենպրես»-ին տեղեկացրին ՊԵԿ-ից, սեպտեմբերի 7-18-ն առաքելության անդամները հանդիպումներ կանցկացնեն կոմիտեի համապատասխան ստորաբաժանումների աշխատակիցների հետ։
Կողմերը կքննարկեն չձևակերպված աշխատանքային հարաբերությունների բացահայտմանն ուղղված հարկային վարչարարության կատարելագործումը, ինչպես նաև միջազգային չափանիշների և լավագույն փորձի ներդրման հնարավորությունները։
Մխիթարյանն ընդգծել է ՊԵԿ-ի և ԱՄՀ-ի միջև ձևավորված երկարամյա ու արդյունավետ համագործակցության կարևորությունը։
Կողմերը վստահություն են հայտնել, որ ԱՄՀ-ի աջակցությունն ու առաջարկությունները կնպաստեն առավել արդյունավետ և թափանցիկ հարկային վարչարարության իրականացմանը։