Սաուդյան Արաբիայի և Մեծ Բրիտանիայի ԱԳ նախարարները քննարկել են տարածաշրջանում լարվածության թուլացման ջանքերը
1 րոպեի ընթերցում
Սաուդյան Արաբիայի արտաքին գործերի նախարար արքայազն Ֆեյսալ բին Ֆարհան բին Աբդալլահ ալ-Սաուդը հեռախոսազրույց է ունեցել Մեծ Բրիտանիայի արտաքին գործերի, համագործակցության և զարգացման հարցերով նախարար Էդվարդ Միլիբանդի հետ։ «Արմենպրես»-ի փոխանցմամբ՝ այս մասին հայտնում է Սաուդյան Արաբիայի լրատվական գործակալությունը (SPA)։
Զրույցի ընթացքում կողմերը քննարկել են երկկողմ հարաբերությունները և համագործակցության ու համակարգման ամրապնդման ուղիները։ Նրանք նաև անդրադարձել են տարածաշրջանային և միջազգային զարգացումներին, մասնավորապես՝ քննարկելով տարածաշրջանում ստեղծված իրավիճակը և դրա ազդեցությունն անվտանգության և կայունության վրա։
Նախարարները ընդգծել են լարվածության թուլացման, միջազգային ջրային ուղիների անվտանգության բարձրացման, ինչպես նաև նավարկության ազատության ապահովման ուղղությամբ դիվանագիտական ջանքերի ակտիվացման կարևորությունը՝ մատակարարման շղթաների և միջազգային առևտրի պաշտպանությանը նպաստելու համար։