«Արմավիր» ՔԿՀ-ում հայտնաբերվել է դրոնով ներնետված արգելված իրերի փաթեթ

«Արմավիր» ՔԿՀ-ում հայտնաբերվել է դրոնով ներնետված արգելված իրերի փաթեթ։ «Արմենպրես»-ի փոխանցմամբ՝ այս մասին տեղեկացնում են Քրեակատարողական ծառայությունից՝ ներկայացնելով մանրամասներ։ 

«Սեպտեմբերի 1-ին ժամը 02:55-ի սահմաններում ՀՀ ԱՆ «Արմավիր» քրեակատարողական հիմնարկի դիտաշտարակներից մեկում ծառայություն իրականացնող պահպանության ապահովման բաժնի ծառայողը տեղեկացրել է, որ նկատել է անօդաչու թռչող սարք (դրոն):

Իրականացված զննության արդյունքում հիմնարկի երկու տեղամասերի միջնամասից հայտնաբերվել է մեկ պոլիէթիլենային փաթեթ, որում առկա են եղել 2 բջջային հեռախոս, 1 ականջակալ, 1 wi-fi սարք և 1 USB լար»,-ասված է ՔԿՀ-ի տարածած հաղորդագրության մեջ։ 

Դեպքի առթիվ նախապատրաստվում են նյութեր: