1 րոպեի ընթերցում
Արարատի մարզային օպերատիվ կառավարման կենտրոն օգոստոսի 22-ին ժամը 10։56-ին ահազանգ է ստացվել, որ Երևան-Երասխ ավտոճանապարհի 20-րդ կմ-ին այրվում է ավտոմեքենա։
Ինչպես «Արմենպրես»-ին տեղեկացրին ՀՀ ՆԳՆ փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 11։06-ին, մարվել՝ 11։31-ին: Այրվել են «Mercedes» մակնիշի ավտոմեքենայի սրահը և շարժիչի հատվածը։