2 րոպեի ընթերցում
Գեղարքունիքի մարզի Սևան համայնքի 2026 թվականի բյուջեն օգոստոսի 1-ի դրությամբ կատարվել է 101,4 տոկոսով;
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, պլանավորված 1 միլիարդ 424 միլիոն 375,6 հազար դրամի դիմաց փաստացի կատարողականը կազմել է 1 միլիարդ 444 միլիոն 887,3 հազար դրամ:
Հարկերի և տուրքերի հավաքագրումը կատարվել է 72.9 տոկոսով կամ պլանավորված 303 միլիոն 216,7 հազար դրամի դիմաց փաստացի հավաքագրվել է 221 միլիոն 161,6 հազար դրամ:
Հողի հարկի գծով պլանային ցուցանիշը կատարվել է 212,8 տոկոսով, շենք-շինությունների գծով գույքահարկի պլանը՝ 212,1 տոկոսով:
Անշարժ գույքի հարկի պլանային ցուցանիշը կատարվել է 52,5 տոկոսով:
Տրանսպորտային միջոցների գույքահարկը հավաքագրվել է 69.2, պետական տուրքերը՝ 139 տոկոսով։
Ընդամենը սեփական եկամուտների պլանային ցուցանիշը կազմել է 360 միլիոն 733,3 հազար դրամ, փաստացի հավաքագրվել է 387 միլիոն 186,6 հազար դրամ կամ 107,3 տոկոս:
Հողի օտարումից եկամուտների պլանային ցուցանիշը կազմել է 116 միլիոն 666,7 հազար դրամ, փաստացի կատարվել է 167 միլիոն 552,8 հազար դրամ:
Այլ եկամուտների գծով պլանային ցուցանիշը կազմել է 57 միլիոն 516,7 հազար դրամ, փաստացի կատարվել է 166 միլիոն 25 հազար դրամ՝ 2.8 անգամ ավելի նախատեսվածից: