Կուտականում 2018-2025 թթ-ին իրականացվել է սոցիալ-տնտեսական նշանակության 4 ծրագիր՝ 102 միլիոն 130 հազար դրամ ներդրմամբ
1 րոպեի ընթերցում
Գեղարքունիքի մարզի Վարդենիս համայնքի Կուտական գյուղում սուբվենցիոն և պետական ծրագրերի շրջանակներում 2018-2025 թվականների ընթացքում սոցիալ-տնտեսական և կենսական նշանակության 4 ծրագիր է իրականացվել, որոնց ուղղությամբ կատարված կապիտալ ներդրումները կազմել են 102 միլիոն 130 հազար դրամ։
«Արմենպրես»-ի թղթակցին Վարդենիսի համայնքապետարանից տեղեկացրին, որ իրականացված ծրագրերից 3-ը սուբվենցիոն են՝ 85 միլիոն 368 հազար դրամ արժեքով, և մեկը՝ պետական՝ 16 միլին 762 հազար դրամ արժեքով։
Իրականացված ծրագրերի արդյունքում 2018-2025 թվականների ընթացքում Կուտականում կառուցվել է 9500 մետր խմելու, 450 մետր ոռոգման ջրատարների ներքին ու արտաքին ցանցեր, 1200 մետր լուսավորության ցանց։
Պետական «Ռոյալթի» ծրագրով կառուցվել է Կուտականի ոռոգման ջրատարը։