Եվրահանձնաժողովը 890 մլն եվրոյով տուգանել է Google-ին մրցակցային կանոնները խախտելու համար

2 րոպեի ընթերցում

Եվրահանձնաժողովը որոշում է կայացրել ընդհանուր 890 միլիոն եվրոյի տուգանք սահմանել Google-ի դեմ առցանց մրցակցության կանոնները խախտելու համար՝ կապված ընկերության որոնողական համակարգի և հավելվածների խանութի գործունեության հետ։ Ինչպես հաղորդում է «Արմենպրես»-ը, այս մասին հայտնում է The Guardian պարբերականը։

Եվրահանձնաժողովը հայտարարել է, որ Google-ը խախտել է Թվային շուկաների մասին ակտը (Digital Markets Act)՝ որոնման արդյունքներում առաջնահերթություն տալով իր սեփական ծառայություններին, այդ թվում՝ գնումների և հյուրանոցային առաջարկներին, այդպիսով խախտելով իր մրցակից ընկերությունների ու կազմակերպությունների իրավունքները։

Հանձնաժողովը նաև արձանագրել է, որ Google-ը խախտել է Թվային շուկաների մասին ակտը՝ սահմանափակելով հավելված մշակողների հնարավորությունը օգտատերերին ուղղորդելու դեպի ավելի էժան առաջարկներ իրենց կայքերում կամ այլընտրանքային հավելվածների խանութներում։

Որոնման ծառայությունների հետ կապված խախտման համար Google-ը տուգանվել է 460 միլիոն եվրոյով, իսկ հավելվածների խանութի կանոնների խախտման համար՝ 430 միլիոն եվրոյով։

Եվրահանձնաժողովը պարտավորեցրել է Google-ին որոնման արդյունքներում երևացող երրորդ կողմի ծառայությունները ներկայացնել «արդար և ոչ խտրական» սկզբունքով, ինչպես նաև թույլ տալ հավելվածների մշակողներին առաջարկներ ներկայացնել Google-ի հավելվածների խանութից դուրս։

Հանձնաժողովը նշել է, որ Google-ն արդեն սկսել է փորձարկել փոփոխություններ, թե ինչպես են որոնման արդյունքներում ներկայացվում իր ծառայությունները, այդ թվում՝ գնումների և ավիաթռիչքների առաջարկները։ Ըստ ԵՄ-ի՝ այդ փոփոխությունները «էական առաջընթաց են կանոններին համապատասխանելու ուղղությամբ»։

«Եվրոպայում որոնման արդյունքները կփոխվեն, և Google-ը ստիպված կլինի համապատասխանեցնել իր որոնողական համակարգի աշխատանքը», - ասել է ԵՄ բարձրաստիճան պաշտոնյաներից մեկը։

Հայերեն

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն