Մադյարը հաստատել է, որ Հունգարիան զենք չի մատակարարի Ուկրաինային

1 րոպեի ընթերցում

Հունգարիայի նոր կառավարությունը կշարունակի մարդասիրական օգնություն տրամադրել Ուկրաինային, բայց զենք չի մատակարարի նրան: «Արմենպրես»-ի փոխանցմամբ՝ այս մասին Անկարայում ՆԱՏՕ-ի ղեկավարների նիստից առաջ հայտարարել է Հունգարիայի վարչապետ Պետեր Մադյարը։

«Մենք շարունակում ենք մարդասիրական օգնություն տրամադրել Ուկրաինային: Բայց ինչպես ես բազմիցս ասել եմ, Հունգարիան զենք չի մատակարարի Ուկրաինային», - նրա խոսքերն է մեջբերում ՏԱՍՍ-ը:

Անդրադառնալով Հունգարիայի նոր կառավարության դիրքորոշմանը ռուս-ուկրաինական հակամարտության վերաբերյալ՝ Մադյարը պնդել է, որ «Ուկրաինան զոհ է, իսկ Ռուսաստանը՝ դաժան ագրեսոր»:

«Ուկրաինան իրավունք ունի պաշտպանելու իր տարածքը և տարածքային ամբողջականությունը», - հավելել է Հունգարիայի վարչապետը:

Հայերեն Русский